طريقة عمل كفته الارز

Previous Next

كفته الارز احلى كفته ممكن تأكليها طعم ولون وريحه تجنن وكمان تستطعمى اللحمه جواها لان الارز مش كتير ومش هنطحن ارز ده كان زمااان هنعملها بدقيق الارز الجاهز واستحالة تفك منك تجنن تعالوا نشوف الطريقه 👇👇

 🌹كيلو لحمه مفرومه عليها نسبه دهون بس مش كتير

 🌹بصلايه متوسطه الحجم

 🌹 راس ثوم

 🌹2كزبره خضراء

 🌹2شبت

 🌹قرن فلفل اخضر حامى انا حطيت نصه فقط

 🌹2ملعقه كبيره مرقه دجاج فاين فودز البودرة

 🌹ملعقتين كبار كزبره ناشفه

 🌹فلفل اسود ،توابل لحمه ،ملح

 🌹ملعقه كبير بيكنج بودر

 🌹دقيق ارز قد أيه بقي دى بتاعتك انت حسب كميه اللحمه إللى هتعمليها إيوه ياغاده يعنى احط قد أيه باردوا هقولك كملى قرأه وانت هتعرفى ولوحدك

 🌹الطريقه 🌹 هناخد كل المكونات ماعدا اللحمه والبيكنج بودر ودقيق الارز هنطحنهم فى الكبه لحد الخضره والبصل والثوم والمرقه والتوابل معدا الملح هنضيفه فى الاخر نطحن لحد متبقي ناعمه نضيف اللحمه المفرومه على المكونات ونطحن لحد مكل المكونات تتجانس هنا هنضيف البيكنج بودر ونضيف دقيق الارز شويه بشويه لحد متكون عجينه الكفته متماسكه ومش بتلزق فى ايدى ها شوفتى اسهل من كدا بالنظر سهله جدا انا عملت كيلو اللحمه اخد منى حوالى ربع كيلو دقيق ارز شوفى كميه اللحمه كتيره واخدا ارز كميه صغيره متخيلين الطعم ده فايده دقيق الارز خلاص كدا عجينه الكفته جاهزه نضبط ملحها انا بدوقها بطرف لسان مش باكلها وبظبط الملح بعدين ناخدها نصبعها حسب الطول إللى بتحبيه بس نطول 2سم زياده علشان لوكشت شويه وده بيبقي على حسب كميه دهون اللحمه بعد منصبعها نحمرها ونسويها عندك طريقتين👇

🌹ياما هتسويها فى صلصله ودى عباره عن طاسه على النار فيها زيت هنحط بصلايه متوسطه مفرومه ناعم وخمس فصوص توم مفرومين اول مياخدوا لون جارتان ننزل عليهم بعصير الطماطم وملعقتين صلصه كبار وتوابل نفس التوابل إللى حطناها فى الكفته ياخدوا غلوه ننزل بالكفته لحد متستوى وممكن نضيف معاها مكعبات بطاطس وقطع لحمه مسلوقة بتبقي طعمها يجنن وطبق متكامل

🌹طريقه تانيه للسوى ودى بعشقها وسهله جداااا هناخد الكفته وحله فيها شوربه ونسوى الكفته فيها بس كدا طعمها وهم وهم وخفيفه جداااا وبالف هنا Bon appétit


طباعة   البريد الإلكتروني

Author’s Posts

مقالات ذات صلة

المتوجدون الأن
عدد الزيارات
95231
Image

تواصل معنا

تحميل تطبيق جورنال الحرية

Image
Image
© 2021 /news.gornalalhuria.com. All Rights Reserved
Design & Developed by https://www.ARABWEB-EG.NET