اخبار وصفات صحية

All Stories

كيك الليمون بصوص الليمون 🍋

🌹كيك الليمون 🍋🌹

مش عاوزه حد يتخض تحفه مش معنى اننا نشوف كلمه ليمون يعنى مززه او ممره اطلاقا طعمها وهم بدون مبالغه ومعاها صوص الليمون 🍋 بالطريقه الصحيحه 👌

🌹المكونات 🌹

🌹كوب سكر

🌹كوب زيت على زبده

🌹4بيضات

🌹نصف كوب ليمون 🍋

🌹ملعقه كبيره بشر ليمون🍋 ناخذ القشره الصفراء فقط مناخدش الطبقه البيضاء اللى تحتها علشان دى اللى بيبقي فيها المراره

🌹كوبين ونصف دقيق

🌹ملعقه كبيره بيكنج بودر

 🌹رشه ملح

 🌹فانيليا

🌹ملعقه خل صغيره

🌹الطريقه 🌹

فى الخلاط أو بالمضرب الكهربائى نضع اللبيض والسكر والخل والفانيليا ونضربهم كويس جدا لحد مالسكر يدوب نضع كوب الزيت على الزبده وبشر الليمون 🍋 وعصير الليمون 🍋 فى بوله نضع الدقيق والبكينج بودر ورشه الملح ونكون نخلينهم 👌ونضيف عليهم الخليط السائل هنحصل على قوام مش سائل اوى قوامها هيكون متماسك شويه نحضر قالب أو صينيه نبطنها بالدقيق أو ورق زبده ونضع خليط الكيك الى المنتصف على فرن ساخن مسبقا قبلها بربع ساعة نضع الكيك على رف أوسط على درجه 180 لمده تتراوح بين 35الى 40 دقيقه نخرجها ونضعها على شبكه تبريد تهدى ونحضر الصوص

🌹صوص الليمون 🍋🌹

🌹نصف كوب عصير  ليمون 🍋

🌹سكر بودر منخول

🌹لون طعام اصفر

🌹ربع كوب زبده

 نحضر بوله ونضع فيها نصف كوب الليمون 🍋 ونضع السكر شويه بشويه لحد منحصل على قوام كريمى لا خفيف ولا تقيل ونضع الزبده ونضيف نقطه واحده فقط من لون الطعام الاصفر نأخذ الصوص ونضعه على الكيك ونزينها على حسب ذوقنا او ممكن متزينهاش براحتك انا زينتها بفسدق مجروش من المنتصف وعملت ورد ابيض من عجينه السكر وشرائح ليمون 🍋 ونعناع صغير اوى يكسر اللون ويدى شكل حلو وبالف هنا 🥰

🥰Bon appétit

Previous Next

جلاش باللحمه المفرومه

🌹الطريقه 🌹

نحضر اللحمه المفرومه انا بحب اعصج اللحمه بالطريقه دى تحفه طعم وشكل وريحه تجنن هنجيب كيلو لحمه مفرومه ونجيب 2 بصله كبيره مفرومه واربع فصوص توم مفروم وفى طاسه على النار فيها زيت ساخن هنزل بالبصل والثوم اول ميدبل واشم ريحه التوم احط مكعبين مرقه دجاج فاين فودز وادوبه كويس واضيف التوابل فلفل اسود كزبره ناشفه بهارات لحمه أو خلطه بهارات الضحى ونقلب واضيف اللحمه اول ملون اللحمه يتغير اضيف فلفل رومى اخضر متقطع صغير جدا وممكن بشر جزر أو جزر متقطع صغير جدا لو حابه انا مضفتش بشر جزر بس بيبقي تحفه وملعقتين كبار صلصه طماطم مهم اوى ونقلب ونهدى النار ونسيبهم لمده خمس دقائق ولو تلاحظوا مضفتش ملح الا فى الاخر اذا احتجتى لان ضفعت مكعب مرقه ويفضل لو حابه تضيفى ملح وانت بتعصجى اللحمه يفضل فى الاخر لان الملح بيخلى اللحمه تتكتل وتمسك فى بعضها دى معلومه منى ليكوا حبيت اقولهالكوا🥰 ودوقوا احلى لحمه معصجه😋 تركه مهمه جداااااا انا بعد مبعصج اللحمه لازم احطها فى مصفه حرير علشان انزل اى زيوت زياده علشان أما اجى احشى بيها مكرونه او رقاق أو اى وصفه الوصفه متموعش نفسنا وتكون دهونها كتير التركه دى حقيقي بتفرق كتييييير باقى الطريقه بالتفصيل والخطوات مرفق فى الصور👇

Previous Next

طريقة عمل كفته الارز

كفته الارز احلى كفته ممكن تأكليها طعم ولون وريحه تجنن وكمان تستطعمى اللحمه جواها لان الارز مش كتير ومش هنطحن ارز ده كان زمااان هنعملها بدقيق الارز الجاهز واستحالة تفك منك تجنن تعالوا نشوف الطريقه 👇👇

 🌹كيلو لحمه مفرومه عليها نسبه دهون بس مش كتير

 🌹بصلايه متوسطه الحجم

 🌹 راس ثوم

 🌹2كزبره خضراء

 🌹2شبت

 🌹قرن فلفل اخضر حامى انا حطيت نصه فقط

 🌹2ملعقه كبيره مرقه دجاج فاين فودز البودرة

 🌹ملعقتين كبار كزبره ناشفه

 🌹فلفل اسود ،توابل لحمه ،ملح

 🌹ملعقه كبير بيكنج بودر

 🌹دقيق ارز قد أيه بقي دى بتاعتك انت حسب كميه اللحمه إللى هتعمليها إيوه ياغاده يعنى احط قد أيه باردوا هقولك كملى قرأه وانت هتعرفى ولوحدك

 🌹الطريقه 🌹 هناخد كل المكونات ماعدا اللحمه والبيكنج بودر ودقيق الارز هنطحنهم فى الكبه لحد الخضره والبصل والثوم والمرقه والتوابل معدا الملح هنضيفه فى الاخر نطحن لحد متبقي ناعمه نضيف اللحمه المفرومه على المكونات ونطحن لحد مكل المكونات تتجانس هنا هنضيف البيكنج بودر ونضيف دقيق الارز شويه بشويه لحد متكون عجينه الكفته متماسكه ومش بتلزق فى ايدى ها شوفتى اسهل من كدا بالنظر سهله جدا انا عملت كيلو اللحمه اخد منى حوالى ربع كيلو دقيق ارز شوفى كميه اللحمه كتيره واخدا ارز كميه صغيره متخيلين الطعم ده فايده دقيق الارز خلاص كدا عجينه الكفته جاهزه نضبط ملحها انا بدوقها بطرف لسان مش باكلها وبظبط الملح بعدين ناخدها نصبعها حسب الطول إللى بتحبيه بس نطول 2سم زياده علشان لوكشت شويه وده بيبقي على حسب كميه دهون اللحمه بعد منصبعها نحمرها ونسويها عندك طريقتين👇

🌹ياما هتسويها فى صلصله ودى عباره عن طاسه على النار فيها زيت هنحط بصلايه متوسطه مفرومه ناعم وخمس فصوص توم مفرومين اول مياخدوا لون جارتان ننزل عليهم بعصير الطماطم وملعقتين صلصه كبار وتوابل نفس التوابل إللى حطناها فى الكفته ياخدوا غلوه ننزل بالكفته لحد متستوى وممكن نضيف معاها مكعبات بطاطس وقطع لحمه مسلوقة بتبقي طعمها يجنن وطبق متكامل

🌹طريقه تانيه للسوى ودى بعشقها وسهله جداااا هناخد الكفته وحله فيها شوربه ونسوى الكفته فيها بس كدا طعمها وهم وهم وخفيفه جداااا وبالف هنا Bon appétit

Previous Next

طريقة عمل تشيز كيك مانجه

🌹 تشيز كيك مانجه 🌹 مبدأيا الشكل اللى انتوا شايفينه ده اتنين تشيز كيك جوه بعض واحده اصغر من التانيه واحده بلون التشيز الابيض وبينهم طبقه صوص مانجه بيوريه وقطع مانجه وواحده حطيت على التشيز صوص مانجه وركبت الشكلين جوه بعض والطبقه اللى فوق جيلى مانجه وزينت بقطع المانجه والكريم شانتيه وصوص المانجه طعمها خيااااال تحفه 😋😋 محطتش اى حامض على التشيز علشان ناس مبتحبهاش وطبعا الاكل أذواق بس ممكن نضيف ليمون على التشيز وأساس الجبنه فيلادلفيا بس بنتستخدم البديل كيري وأساس البسكوت دايجستف بس بنستخدم اى نوع بنفضله دى المكونات الاصليه تعالوا بقي نركز مع بعض ونشوف اتعملت ازاى

🌹المكونات🌹

🌹2 باكت بسكوت داناش او اى نوع بسكوت شاى بتحبوه

🌹 كيلو جبنه كيرى كريمى

🌹2 كريمه خفق حلويات( كريمه لبانى 250 جم)

🌹6 ملاعق كبيره سكر بودر

🌹 كيلو مانجه متقطعه كيلو بعد التقطيع

🌹 نص كوب سكر

🌹جيلاتين

🌹 باكت جيلى مانجه

🌹كريم شانتيه التزين

🌹 طريقه صوص المانجه🌹 هناخد نصف كيلو مانجه متقطعه ونضيف عليها ربع كوب سكر ونحطها على النار هتلاقى المانجه نزلت مايتها نهدى النار ونقلب كويس لحد المانجه تتشرب كل العصاره بتاعتها ونضيف عليها ملعقتين نشا مدوبين فى نص كوب ماء ونضيف شويه بشويه لحد منحصل على قوام تقيل بالهاند بليندر أو في الخلاط نضرب الصوص ده لحد منحصل على قوام كريمى 👌

🌹طبقه البسكوت🌹 هناخد البسكوت ونحطه فى الكبه يطحن كويس نضيف عليه زبده لحد ميبقي زى الرمل المبلول نمسكه بادينا ونضغط عليه يبقي زى الكوره نيجى نفرطه تلاقيه بيتفرط تانى زى الرمل منزودش الزبده علشان ميبقاش معجن

🌹 نحضر التشيز كيك الصغيره🌹 ⁦⁩ هناخد نص الكميه لعمل تشيز كيك اللى جوه اللى لونها ابيض وبينها صوص المانجا وقطع المانجا هنخفق علبه كريمه خفق لنحصل على قوام كريمي ومنبالغش فى الخفق علشان الكريمه متفصلش بعدين نضيف نص كيلو جبنه كريمى على الكريمه و3 ملاعق كبيرة سكر بودر والسكر حسب رغبتك نخلط المكونات على بعض وبعدين نضيف ليهم ملعقتين كبار جيلاتين مدوبين مسبقا فى مايه ساخنه نقلب الخليط نقسم الخليط ده لنصفين متساوين ونحضر صينيه مقاس12 أو أصغر صينيه عندك ونحط فيها كليننج فيلم استرتش أو كيس تلاجه ونفتحه ونبطن بيه الصينيه بحيس اطراف الكيس تبقي برا الصينيه زى مبنعمل الجلاش هناخد جزء من الخليط ونحطه فى الصينيه وندخله الديب فريزر يتماسك نخرجه ونحط فوقه صوص مانجه ونضيف على صوص المانجه ايضا ملعقتين جيلاتين مدوبين مسبقا فى مايه ساخنه وتدخلها الديب فريزر يتماسك نخرجها نضيف قطع مانجه ونحط نصف الخليط الثانى فوق الصوص والمانجه المتقطعه وندخلها الديب فريزر تتماسك ده التشيز كيك الصغيره اللى جوه بيكون لونها طبقه تشيز لونها ابيض طبقه مانجه لونها اورنج وقطع مانجه وطبقه تشيز ابيض دى اول واحده 👌👌نحطها فى الثلاجه ونحضر التشيز الكبيره

🌹نحضر التشيز كيك الكبيره 🌹 ⁩ نفس طريقه هنخفق علبه كريمه خفق لنحصل على قوام كريمي ومنبالغش فى الخفق علشان الكريمه متفصلش بعدين نضيف نص كيلو جبنه كريمى على الكريمه و3 ملاعق سكر بودر والسكر حسب رغبتك نخلط المكونات على بعض وبعدين نضيف ليهم ملعقتين كبار جيلاتين مدوبين مسبقا فى مايه ساخنه نقلب الخليط ونضيف على الخليط ده صوص مانجه علشان لونه يبقي مدى على اورنج هادئ نحضر صينيه مقاس 16 اكبر وبنفس الطريقة هنحط فيها استرتش كليننج فيلم أو كيس ثلاجه كبير ونفتحه ونحطه جوه الصينيه وباقى اطراف الكيس خارجه ونبطن الصينيه بورقه زبده فوق الكيس ونحط البسكوت المطحون بالزبده ونضغط عليه كويس وبعدين نضيف نصف خليط التشيز فوق البسكوت وتدخله الديب فريزر يتماسك ونخرجه وهنا بقي هنحط التشيز كيك الصغيره فاكرنها هنحطها ازاى هقولك هنشيل اطرف الكيس الخارجيه ونطلع التشيز ونحطها على الرخامه ونفصل الكيس من على جوانب التشيز هتطلع بسهوله جدا ناخد التشيز على ايدينا ونحطها فى وسط الصينيه الكبيره هنلاحظ أن فى فراغ بين التشيز الصغيره وجوانب الصنيه الكبيره وده المطلوب علشان هنحط اخر جزء من التشيز فوق التشيز الصغيره وهينزل فى الجوانب وهيملاها ندخلها الديب فريزر تتماسك ونخرجها نكون مجهزين جيلى مانجه ونحطه فوق التشيز وندخلها الديب فريزر تخرج نخرجها من الصينيه ونزينها بقطع مانجه وروزيتات كريم شانتيه ونعناع اخضر يكسر اللون وبالف هنا

Bon appétit 🥰

Previous Next

اهم أسباب فشل ونجاح الكيك

كتبت غاده الديهى

 يعتبر الكيك من الأطعمة التي يحبّها كثير من الناس، لطعمه الحلو اللذيذ ونكهته المميزه بالاضافه لرائحته التى تشعرنا بالبهجة والسرور كونه يقدّم عادةً في المناسبات السعيدة والحفلات والأعياد المختلفة، الكعك هو عبارة عن طعام حلو المذاق مصنوع من الدقيق وعوامل التحلية مثل السكر، بالإضافة إلى بعض الموادّ الأخرى مثل البيض، والزبدة، كما يُضاف إليه بعض السوائل أيضاً كالحليب، والمحليات، وهنالك العديد من الأنواع المختلفه للكيك وله قيمه غذائيه عاليه لما يحتويه من مكونات ذات قيمه غذائيه عاليه ومتنوّعة وبالرغم من سهوله صنعه إلا أن الكثير منا بيفشل فى صنع الكيك تعالوا نتعرف ازاى نتفادى فشل الكيك وتنبهرى بالنتيجه وتبقي شيف ممتازه وهختصرها فى بعض النقاط لنجاح اى وصفه كيك ناس كتير بتسال عن اسباب هبوط الكيك وليه الكيك لونها غامق وليه اتشققت وليه الكيك فيها نقط غامقه وليه الكيك مش هش ومكتوم وليه الكيك نى ومستواش من جوه بالرغم انى التزمت بمده الخبز واخدت لون حلو من برا ولسه نيه من جوه وليه الكيك فيها مسام واسعه وشكلها مش حلو كل دى اساله هرد عليها وهقولك ازاى تتفادى كل ده وتحصلى على نتيجه هايله ومضمونه مبدايأ لنجاح اى وصفه كيك لازم كل المكونات بدرجه حراره الغرفه

   🌹اسباب هبوط الكيك🌹

اول منجهز خليط الكيك ندخله الفرن مباشرة منسبوش لان تأثير البيكنج بودر بيقل أما نسبها بدون خبز وأما نيجى نخرج الكيك من الفرن منخرجوش مباشره نطفى الفرن ونفتح باب الفرن ونترك الكيك جواه يهدى شويه وأما نخرجه نخرجه على شبكه تبريد بدون منشيل القالب لحد ميبرد لما نعمل كيك لازم واحنا بنحضره نكون مشغلين الفرن مسبقا قبلها بربع ساعه ونظبط درجه حرارته على درجه ثابته مينفعش ابدا الفرن يبقي عالى جدا وندخل الكيك جواه وبعدين نقلل درجه حرارته أو نظبطها والكيك جواه هتلاقى الكيك ارتفع مره واحده بسرعه وفجأة هتلاقيه هبط لازم درجه الحراره ثابته الكيك بيتخبز على رف أوسط مش على الصاج وعلى درجه حراره ١٨٠ لمده ٣٠ دقيقه 

  🌹اسباب غمقان الكيك 🌹

نوع الدقيق لازم يكون دقيق مخصص للحلويات لان الدقيق ليه درجات نوع البيكنج بودر لازم تتأكد أن البيكنج بودر نوع جيد لانه مش سبب فقط فى هبوط الكيك لا وكمان سبب فى غمقان الكيك السكر لازم يكون سكر لونه فاتح مش غامق وايضا الزيت نستخدم زيت يكون جودته عاليه ولونه فاتح وايضا نلتزم بمده الخبز لو زودنا مده الخبز هتلاقي الكيك اغمق فعلشان نحصل على كيك فاتح لازم ناخد بالنا من 👇

1- نوع الدقيق

2- نوع البيكنج بودر

3- السكر

4- الزيت

5- ومده الخبز

6- ممكن اضافه نصف ليمونه على خليط الكيك للحصول على لون فاتح

   🌹اسباب وجود نقط غامقه في الكيك🌹

ده بسبب البيكنج بودر النقط دى عباره عن تكتولات البيكنج بودر ومتوزعتش كويس على خليط الكيك فبتتراكم في أمكان متفرقه وتعمل نقط غامقه ولتفادى ده لازم ننخل البيكنج بودر مع الدقيق

   🌹اسباب أن الكيك مش هش ومكتوم 🌹

لازم ننخل الدقيق علشان نخرج منه اى تكتولات وتانى حاجه لازم نتأكد كويس أننا اضفنا بيكنج بودر بنسبه مظبوطه البيض لازم نخفقه كويس جدا لحد ملونه يتغير ونلاحظ أن حجمه تضاعف الزيت بيدى هشاشه للكيك وايضا نص الليمونه بيدى هشاشه للكيك وبيفتح لونه

🌹اسباب تشقق الكيك🌹

1- بسبب أن حجم الصينيه أو القالب مش مناسب يعنى حطينا كميه كبيره من خليط الكيك فى قالب أو صينيه صغيره فالكيك ماخدش راحته فى الارتفاع

2- تانى حاجه زيادةالبيكنج بودرتجعل الكيك ينفش ويرتفع اكتر من اللازم 3- تالت سبب زياده نسبه السوائل

4- رابع سبب درجه حراره الفرن

5- خامس سبب الكيك كان قريب جدا من النار

🌹اسباب المسام الواسعه للكيك🌹

بسبب أننا خرجنا الهوا واحنا بنضيف خليط المواد السائله إلى الدقيق فلازم أما نيجى نضيف الخليط على الدقيق نضيفه بهدوء ونقلبه من تحت لفوق بهدوء علشان نحافظ على الهواء وايضا لازم نضرب البيض كويس جدا لحد محجمه يتضاعف ويبقي هش لازم بعد منحضر قالب الكيك ونصب الخليط فيه ندخله الفرن مباشره لان لو سبناه مفعول وتأثير البيكنج بودر هيقل ومش هتحصلى على النتيجه المظبوطه

 🌹اسباب عدم نضج الكيك من الداخل🌹

ليه الكيك لسه نى من جوه بالرغم أن لونه حلو من برا وليه لسه نى مع انى ملتزمه بمده الخبز

1- اولا نسبه السوائل كثيره تخالى الكيك ميستويش بسرعه وبتبقي مده الخبز المحدده لتسويته مش كافيه فبتالى بياخد لون من برا ولسه نى من جوه

2- ثانيا قوالب الكيك الغامقه أو الزجاج ده تانى سبب فى أن الكيك ميستويش كويس من جوه لأنها بتوصل درجه حراره عاليه جدا وبتحمر الكيك بسرعه فافضل قالب لتسويه الكيك أو المخبوزات هى القوالب الالومنيوم لأنها بتوزيع درجه حراره بطريقه مظبوطه فتحصلى على كيك ناضج و لون ممتاز للكيك

اهم أسباب فشل ونجاح الكيك

فيروس ماربورغ يدق ناقوس الخطر

فيروس قديم عاد مجددا منذ أكثر من 51 عاما يدعي "ماربورغ" ينتمي لعائلة "إيبولا" وهو واحد من أكثر الفيروسات فتكا وهو واحد من أخطر 3فيروسات بخلاف كورونا ويحدث نتيجة الإصابة بفيروس من فصيلة الإيبولا تفشي من قبل في جنوب إفريقيا والذي إنتقل عبر أحد خفافيش الفاكهه ، والقرود 

هو فيروس معدي وما إن أصيب بة إنسان إلا أن تنتشر العدوي عبر 1/

الاتصال أوملامسة دم المريض أو ملامسة سوائل الجسم وهي (البراز ، والقئ ، البول ) 

2/ ملامسة الأسطح والملابس الملوثة بالفايروس 

3/ مشاركة مراسم دفن شخص مصاب بالفيروس 

4/ الاتصال المباشر من خلال الجلد المكسور أو الأغشية المخاطية بالدم 

5/التعامل المباشر مع الخفافيش خاصة خفافيش الفاكهة.

أعراض هذا الفيروس .

1_ الصداع

2_ تقيؤ الدم 

3_ إرتفاع درجة الحرارة 

4_ ألام في العضلات 

5_ نزيف في الأذنين أو العينين 

6_ الوهن والضعف 

7_ الإسهال المائي

8_ آلام في البطن 

9_ التشنج

10_الغثيان  

صرحت الصحة العاليمة عندما تفشي سابقا أن معدلات الوفاة بالفيروس ترواحت بين 24 ،88% وإلي الأن لا يوجد لقاح أو دواء معتمد لماربورغ تتراوح فترة حضانة الفيروس مابين 3ل9 أيام عادة ما تحدث الوفاة في الفترة بين اليوم الثامن والتاسع بعد ظهور هذة الأعراض .

أوضحت المصادر التاريخية أن التفشي الأول لفيروس ماربورغ كان في مختبرات مدينة ماربوغ في ألمانيا وبلغراد بيوغسلافيا السابقة وسمي ماربورغ علي نفس إسم المدينة بسبب أنشطة مختبرية والتي كانت تستعمل نسانيس إفريقية خضراء aethiops cercopithecus إستوردت من أوغندا وسجل 25 حالة من حالات العدوي الأولية وقد توفي منها 7 حالات 

وأكدت منظمة الصحة العالمية أن إستخدام الحقن الملوثة بالفيروس أو التعرض لوخز الإبر الملوثة بة يؤدي لتدهور الحالة الصحية بسرعة وقد تؤدي إلي الوفاة وأن جميع الفئات العمرية معرضة للإصابة بهذا الفيروس أغلبية المصابين كانوا من البالغين ولكن هذا الا يعني أن الأطفال في أمان 

ويري موقع msd الطبي المتخصص أن يتم عزل الأشخاص المصابة بالفيروس في أماكن عزل مخصصة لهم وليس العزل في المستشفيات العامة وعند تعامل الأطباء مع المرضي عليهم إرتداء ملابس واقية بشكل كامل بما في ذلك "مترسة الرأس " المجهزة بجهاز تنفس رغم عدم الأعتقاد بأن حالات العدوي تنتشر عن طريق الهواء

فيروس ماربورغ يدق ناقوس الخطر

فوائد واضرار التوابل

كتبت غاده الديهى

 تعتبر التوابل من أهم المنكهات التى يتم إضافتها للطعام فهى تعطيه نكهه مميزه وتعطيه مذاق رائع واشتهرت كثير من البلدان العربية باستخدام العديد من التوابل المتنوعه والمختلفه وتعتبر الهند من أكثر البلدان حول العالم المنتجه للتوابل وتساعد اغلب انواع التوابل والبهارات على تسهيل عمليه الهضم وحمايه الجهاز الهضمي من البكتريا والأمراض الضاره وتعتبر بعض أنواع الأعشاب علاجا لنزلات البرد وتستخدم كمشروب ساخن لعلاج الاحبال الصوتية

 ولكن هل جميع البهارات والاعشاب آمنة؟ وهل هناك أضرار خطيرة للبهارات والتوابل؟ هذا ما سنتعرف عليه.

🌹فوائد البهارات والتوابل🌹

تعتبر بعض أنواع البهارات والاعشاب تحتوي على فوائد كثيرة في العلاج والوقاية من كثير من الأمراض وذلك لفوائدها الكثيرة، نذكر أبرزها تفيد بعض التوابل فى الوقاية من أمراض القلب كانسداد الشرايين والأوعية حيث تعتبر البهارات الحارة كالفلفل الأحمر والكاري من أبرز هذه البهارات. تساعد أغلب أنواع البهارات والتوابل على تسهيل عملية الهضم، وحماية الجهاز الهضمي من البكتريا الضارة. تعتبر بعض أنواع الأعشاب علاجاً شعبياً لنزلات البرد والرشح، وتستخدم كمشروب ساخن مثل البابونج والزهورات إضافة إلى بخار الكينا لعلاج مشاكل الاحبال الصوتية، وضيق التنفس. كذلك تستخدم الأعشاب في علاج آلام البطن وعسر الطمث، مثل القرفة والميرمية، كما يفيد الكمون في معالجة انتفاخ وتشنج القولون. يستخدم اليانسون للاسترخاء، كما يستخدم الزنجبيل لتوسيع الأوعية الدموية، ومحاربة التهاب المفاصل. تحتوي التوابل على نسبة جيدة من المعادن والفيتامينات المختلفة، كما تحتوي بعض البهارات على مضادات الأكسدة، مثل الكركم، الذي يعتبر مضاداً للالتهابات أيضاً. تستخدم الزيوت الطيارة للقرنفل والفلفل وغيرها من زيوت البهارات، في تنشيط الدورة الدموية، إضافة إلى التخفيف من آلام المفاصل، والتشنجات العضلية، ويتم استخدامها بواسطة الكمادات أو حمامات الزيت. تستخدم العديد من التوابل والأعشاب في تخفيف الوزن، والوقاية من تراكم الدهون منها الفلفل الأسود، الذي يساهم أيضاً في علاج الأمراض المرتبطة بالسمنة، وفقاً لدراسة نشرتها منظمة (ACS)

🌹أضرار البهارات والتوابل🌹

يرتبط تأثير هذه البهارات على الصحة، حيث يعاني البعض مثلاً من حساسية مفرطة تجاه الفلفل، سواء الفلفل الحب، الفليفلة الحمراء. والأطعمة الغنية بالبهارات (Spicy) خاصة البهارات الحارة تؤدي إلى اضطرابات هضمية، خاصة للمصابين بقرحة المعدة، حيث يعانون من آلام شديدة بعد تناول الأطعمة الحارة.وايضا مساهمتها بالإصابة بمرض البواسير، كما أن أغلب الأضرار الناتجة عن البهارات، تأتي من البهارات الحارة، مثل الفلفل الأسود والأحمر والشطة. وينصح بعدم تناول الأطعمة الغنية بالبهارات بكميات كبيرة، خاصة إن لم يكن الشخص معتاداً على هذا النوع من الطعام. تسبب الأطعمة الغنية بالبهارات والتوابل بعض الأعراض الجلدية، كالاحمرار والطفح والحكة، وتعتبر البهارات عموماً مثيرة لحساسية العيون، لذلك يجب تجنب ملامستها للعيون، وغسل العين بالماء بحال حدوث ذلك. كما أنَّ الإفراط في تناول الملح يؤدي إلى نتائج صحية خطيرة، مثل احتباس السوائل، وارتفاع ضغط الدم. فهناك بعض الأشخاص الذين يعانون من الحساسية تجاه الهيل (الحبهان)، كما يسبب الهيل تشنجات لمن يعانون من حصى المرارة. قد يؤدي الاستخدام المفرط لإكليل الجبل (روز ماري) إلى الإجهاض، كما يؤدي عند تناول كميات منه إلى وذمات رئوية، ويفضل عدم تناول الروز ماري للمصابين بمشاكل ضغط الدم، أو تشنجات القولون، أو القرحة المعدية. يحذر من استعمال الحلبة أثناء الحمل، لما تسببه من تقلصات الرحم، كما يفضل عدم تناول كميات كبيرة من الحلبة لما تسببه من الغثيان والاضطرابات الهضمية.

وختاماً... لا يمكن الاستغناء عن البهارات والتوابل والاعشاب في أغلب المطابخ حول العالم، ولكن الإكثار من البهارات يعتبر خطيراً على الصحة، كما أن طبيعه كل شخص يختلف عن الآخر تجاه بعض مكونات البهارات والتوابل فلذا يجب أن يراعيها دائماً في طعامه.لكى يتجنب الأضرار الصحيه الناتجه منها وتؤثر على صحته

فوائد واضرار التوابل

الصين تخاطب الكويت لاعتماد اللقاحات الصينية في الكويت

خاطب الجانب الصيني نظيره الكويتي الذي بين رغبته في إدراج اللقاحين الصينيين سينوفارم وسينوفاك على قائمة اللقاحات المعتمدة في الكويت. وقد أبلغ الجانب الصيني الجانب الكويتي أن منظمة الصحة العالمية قد أدرجت اللقاحين ضمن قائمة اللقاحات المستخدمة أثناء الطوارئ، وقدمت الصين اللقاحات كمساعدة طبية لـ 80 دولة و3 منظمات دولية، وصدرت اللقاحات لأكثر من 50 دولة، مشيرة الى أن اللقاحين أثبتا فعاليتهما في مواجهة فيروس كورونا. وسيؤدي اعتماد اللقاحين إلى تبادل الأفراد والتعاون في مجال الأمن الصحي بين الكويت والصين والعديد من الدول التي اعتمدت هذه اللقاحات لمواطنيها.، واللقاحات الصينية قد اعتمدت في كثير من الدول العربية وعلى رأسها مصر والإمارات .

المتوجدون الأن
عدد الزيارات
95220
Image

تواصل معنا

تحميل تطبيق جورنال الحرية

Image
Image