دگ التلفون بقلم / بان البغدادي – العراق

.

هو : الو
هي : الو ، مرحبا
هو : اهلا ، مراحب
هي : إنتٌ مو ذاك الشايل علم العراق يم نصب التحرير ؟
هو : اي ، منو حظرتچ ؟
هي : اني الي عالجتك من طحت ، گدامك تشوفني ؟

هو :

هلا بنسمة الثورة وعگدت الحاجب
هلا بالسوت وياي الاكثر من الواجب

أعرفچ ، من عراقيتچ التنگط هيل
من إعيونچ العزلن باب الليل

هي :

هلا بالواگف گبالي وكفت الساتر
هلا بالخله گلبي يصيرله شاعر

هلا بهذا السمار الجدحته عيونك
اجيت وارد اگلك بشر ، شلونك ؟

هو : تعالي
هي : اجيت

هو :

إنطيني ايدچ الثورة تريد نعشگها
مثل عينچ نخاف الناس تحسدها

و لفّي العلم فوگ خدودچ الترفات
وضمّي الخصله هاي الطايرة إشعدها

هي :

چا من غيرتك ، گتلهم الصار
چوتني إحرورتك ، من جرحك الثار

تعال وطگ صورنه بساحة التحرير
نحچيها لولدنه من نصير إكبار ❤
.
.
غزل ثوره💜

شارك هذا المقال:

جميع الحقوق محفوظة لموقع جورنال الحرية

تصميم وتطوير شركة Creative In Design