Wafaa Ahmed خاص بمسابقة..(مصر الحضارة والجمال)

Wafaa Ahmed خاص بمسابقة..(مصر الحضارة والجمال)
بقلمي..وفاء أحمد
مصر ياأم الحضارة والجمال
ياللي كل العالم يشد لك الرحال
لو سألوني عنك والله أنا بحتار
أتكلم عن نيلك الساحر ولا البحار
ولا اهرامك ولاجوك
ولاليلك والنهار؟!!
ياجميلة ياحنونة علي الغريب والقريب
واللي بيزورك مرة
يبقي شوقه ليك عجيب
ياام الدنيا ياوخدانا في حضنك
ليه في غربتي بشتاق أضُمك ؟؟!!
واحكي عن كل الجمال ياست الحسن والجمال
كل حاجة فيكِ حلوة
حتي لو فيها عذاب
يكفي اني اشوف شمسك بتشرق بالأمل وتدق كل باب
وأما ييجي الليل اشوف قمرك عايم في نيلك
وأركب فلوكة وافضل اغني لك
يامدوبة في حبك كل زوارك
محتارين يزوروا ايه من آثارك
يتعلموا منك وفيك فن الحضارة
ياللي ماضيك وتاريخك منارة
ده اللي مش عارفك اقوله باخسارة
ازاي ماتعرفش أم الدنيا؟!!
تعال هنا وشوف الدنيا
دي مصر من قبل التاريخ
عملت تاريخ في كل مجال
قدماءها كانوا اوائل في الفن والمعمار
و في الهندسة والطب كانوا كبار
مصر فيها كل ماتتمني
الجمال والفن والمغني
فيها الكنايس تحضن المساجد
فيها العامل الكادح الراضي بقليله
وفيها العالِم الصادح بعلمه ودينه
ياللي ماتعرفش مصر محتاج قرون
عشان احكي لك علي الفيوم وبحيرة قارون
ولاالاقصر واسوان ووادي الملوك
مصر كانت وهاتفضل أصل العلم والجمال
بلد الحب وصانعة الرجال
هي أمي وامك وام الأبطال
وفاء أحمد

شارك هذا المقال:

جميع الحقوق محفوظة لموقع جورنال الحرية

تصميم وتطوير شركة Creative In Design