شيرين عوض سلطان

شيرين عوض سلطان
شاعره عاميه
وشاركت في ندوات وامسيات ومؤتمرات عديده في محافظة دمياط
وفنانه تشكيليه وعرضت لوحاتي في العديد من المعارض كمعرض قصر ثقافة دمياط تحت شعار إقليم شرق الدلتا وفي المكتبه العامه وغيرهم
ولي ديوان تحت الطبع شموع ليلي وبدأت الكتابه مارستها حقا في ندوات وامسيات قصور الثقافه بدمياط تحت إشراف معلمي الشاعر ابو الخير بدر والشاعر إبراهيم عوض
****
شرع مين

ف شرع مين

أزرع جناين هجرك صبر
وأبدر بذور الحب
تطرح مر
أحلف يمين ما فكر في حبك تاني
نار هجرك تكويني
تخليني أعيش نارين
ده ف شرع مين
ابص في عنيك

كتير بحلم وأشوفك جنبي
ده في شرع مين
أبص في عنيك

ألقاني اثنين
وأتمنى طيفك يكلمني
يحايلني يدوبني
أدوب كاسات هجرك
ما بين بعدك و قربك
هجرك ده كله
يا حبيبي
في شرع مين
بقلم شيرين سلطان

شموع ليل
!!!!!!!!!!!!!
أمل
*****
تعالي ناخد م الزمن لحظه
اسكن فيها بين ضلوعك

أبدر الأحلام وأجمع الاماني
وانتظر لحظه
سطوعك

من خيوط الشمس
ناسجه شالي
وحلم انا شيلتهولك

الغرام مش بس كلمه
لو قلوها كل الأحبه
تطفي نار الموجعين

الغرام دروب وخطي
تمشي ليا
وامشي هولك!

الحكايه مش كلام
الحكايه
نار أنين………..

شمس طله بس مله
من عيون المحرومين……

عرفت أنا أبقي مين ؟…….

نبع فايض بالحنين………

أنا اللي حلفتلها
تلف الدنيا تحكيلها…….

وفي عيون الليل
تسهر مواويلها

تعمل من النجوم
مسبحه وتشيلها…….،،،
ومن صوت البلابل نغمة تراتيلها

أنا الأمل في الطل

شموع ليلي تنطرك………
مع الاماني تهل…

بقلم❤️❤️ شيرين سلطان❤️❤️

شارك هذا المقال:

جميع الحقوق محفوظة لموقع جورنال الحرية

تصميم وتطوير شركة Creative In Design