من منا يعرف اللواء طيار / نبيل شكرى

كتب : حسام الشبراوى

من منا يعرف اللواء طيار / نبيل شكرى
“ذلك الرجل الذى هو بطل لأكبر معركة جوية شهدها العالم بعد الحرب العالمية الثانية”

الراجل العجوز اللي في الصورة ده هوا أول طيار مصري يسقط طائرة ميراج اسرائيلية, وكمان كان داخلها طيار اسمه يائير نيومن وسلم جثته وجزء من طائرته للقيادة في نكسة 1967 “خد حته من الطيارة 😅”

لما كانت الطيارات بتضرب على الارض كان بطلنا طاير بطيارته بيصطاد الطيارات الاسرائيلية

كان قائد اللواء 102مقاتلات، اللي شارك فى موقعة المنصورة الجوية وأسقط فيها سلاح الجو المصري 18 طائرة إسرائيلية يوم 14 أكتوبر 1973، وهو نفس اليوم اللي بتحتفل فيه القوات الجوية المصرية بيه وبقا عيد ليها ولانتصارها في أكبر معركة جوية شهدها العالم بعد الحرب العالمية الثانية

الراجل ده كان بيقود طيارة “ميج 21″ وتوقف محركها وكانت الأوامر المستديمة له أن يترك الطيارة علي ارتفاع 200 متر إذا توقف محركها وتلقي الأمر بنفسه بتركها والقفز منها إلا إنه رفض، ونجح في إدارة المحرك في الجو وعاد بها إلي المطار.

ليس لأنه لا يعرف القفز بالمظلة، إنما لأنه يؤمن بالوطن، ويعرف أن مصر كانت تعانى من أجل الحصول على السلاح من الاتحاد السوفيتى، لذلك قرر ألا يترك طائرته، وهى أغلى قطعة عسكرية فى الجيش، وفضل أن يحاول إصلاحها، حتى لو دفع حياته ثمنا لهذا لكن الحفاظ على الطائرة المصرية والعودة بها سليمة كان أغلى من حياته.

للاسف فيه ناس كتير ميعرفوش ابطال زي ده
للاسف الاعلام مبيديش الناس دي حقها وعلشان كده احنا لازم نتكلم عنهم ونديهم حقهم ونخلي ولادهم واهلهم يفخروا بيهم ويعرفوا ان المصريين مش ناسسين الجميل..

#شرف_العسكرية_المصرية

شارك هذا المقال:

جميع الحقوق محفوظة لموقع جورنال الحرية

تصميم وتطوير شركة Creative In Design